दरैक चिनारीः घुमाउने घर र र्इख्र फार्इदाहरू ।

हाँर अाख्नै भाषा र भेसभुषा मत्रै हैन हाँर घर पनि अरूक कहते फरक खालक बाटै । हाँर घर देख्ल बितिकै याे दरैक घर रहलार्इ कहिपनि चिन्ते रहीर । यखेन अार्इपनि याे घर फाेटाेकाँ मत्रै देखीके पाउथार्इर । सबैनी अाधुनिक घर बानार्इके थाल्ल । समय अनुसार परिवर्तन भैकेपरित । सबैनी पुरानाे खालक घरयाँ बसिके परित् कहीके खाेज्ल हैन । हार पुर्खाइ घर बानाते कत्का बिचार करीपनि बानाल रहलार्इ कहिपनि समिक्षा करिके खाेज्ल हाे ।

• सबै कते पहीला त भुकम्प जैने पनि नापल्टलार खालक घर हो यो,  किसेकहने गाराे उपरसम्म नापुग्लार भैते खेना भुकम्प अर्इने पनि क्याउ ना भै ।  
• हावाहुरीक डर नैजे , किसेकहने घरका छानी हेँठ सम्म अर्इलार र घुमाल भित्ता  भैते हावाहुरीर्इँ  बल करीके नापार्इ । 
• पानीक डर नैजे । पानी पर्ने पनि घर सबै घुमीके सक्थार्इर। यखेनक घर घुमीके नासकीर ।
• अाङना चारै पटी भैलार भैते सबै सधै सफा भैते रही । अरू त भैहाल्ल मुसाे अाइके नि गाराे पर्तेरिक । 
• दाेइ पटी द्वारी भैलाहार भैते बातास खेलाइके पाउते रही र भित्रक उपरक भाग अलीक उपर भैल भैते  जाडाउनाे गर्मीका लगभग एकै खालक तापक्रम भैते रही । 
• हाँर अन्नबालीके राखीके याे घर अघ्घरै राम्र भैते रही  ।
• पिँडा अग्ल भैलार भैते साप एेलार डर ना भैते रही । 

नाउनी मान्छे भित्र सुत्ते रहत । बाहार ढाेकायाँ बढ्ढ मानुस सुत्ते रहत, नाउनी के चितुवा लेजीके सकीत कै पनि । सिरानीका खुकुरी , भरूवा बन्दुक , खुर्पा  लिपनी सुत्ते रहत । यखेन हाँरासाङ भैल घर क अबस्था कस्न बाटै कहिराखीके नापरै सबैनी जानी राख्ल बाटाै ।

बाँकी  बाटै कने कमेन्ट बक्सका  लेखिके हखार्इ।