दरै गीत संगीत के आघु बढाइके दरै उत्थान समाज र नवलपरासी क दरै सहयोग करिके तयार

दरै गीत संगीतक अवस्था र महत्वक विषयक सचेतनाक अभियान अंक -४ Online Zoom Meeting सम्पन्न भइल बाटइ । नेल्होसक सहयोग र Darai voice र Darai Media House क सहकार्ययँ Online Zoom Meetingक माटे कार्यक्रम सं‌चालन भइल रहइ ।

दरै गित संगितक अवस्था र महत्वक विषयक Online Zoom Meeting साउन २ गते शुक्रबार कार्यक्रम भइल रहइ । कार्यक्रमयँ नेपाल र विदेशसैं करिकुन १२ जेना दरै क सहभागिता रहइ । २ घन्टासमन भइल लामो बहसयँ दरै समाजयँ दरै भाषासाक गीत संगीतक गाह्रेनइ महत्व भइल भइते इख्र विकास कसेकै करिके र दरै गायकहरूके इसे छेत्र पटि प्रोत्साहन करिके कलार कुरायँ आआफन बिचार सहितक बहस चल्ल रहइ ।

मिटिङ्गकाँ भाग लेथिन् नवलपरासीक दरै समुदाय र दरै उत्थान समाजेइँ दरै गीत संगीतक विकासक लागि सँधै सहयोग कर्लार कुरा व्यक्त करिके भइल बाटत् र सहयोग चाहालरइ सहयोग मागीके आइके अनुरोध करिके भइल बाटत् ।

कार्यक्रमयँ बिदेशक माटे चन्द्र प्रकास दरै(पोर्तुगल), नेपाल दरै उत्थान समाज नवलपरासिक सचिव बेल बहादुर दरै, गायक स्मृती दरै(ललितपुर), गायक राम कुमार दरै (चितवन), कालिका एफएमक पत्रकार सबिता दरै, गीतकार भरत दरै, सोनु दरै (भारत), लक्कि दरै, नेपाल दरै उत्थान समाज चितवनक अदछे राम बहादुर दरै, दरइ भाषा अनुवादक आसाराम दरै(चितवन), दरै मिडिया हाउसक लोक बहादुर दरै र खड्ग दरै (तनहुँ) र दरइ भ्वाइसक राज कुमार दरैक सहभागिता रहइ । कार्यक्रम संचालन राज कुमार दरै कर्ल रहत कने अनलाइन प्रसारन दरै मिडिया हाउसक माटे लोक दरै र खड्ग दरैइँ करिके भइल रहत् ।